Kryebashkiakët e djathtë nuk kanë marrë pjesë në takimin e sotëm të kryeministrit me të zgjedhurit lokalë. Sipas ABC, Voltana Ademi, kryetare e bashkisë Shkodër ka deklaruar se së pari Komisioni Qëndror nuk i ka shpallur ende rezultatet zyrtare dhe së dyti, mënyra e komunikimit të zyrës së kryeministrit ka qenë sipas saj jo normale.
Në drejtim të kryebashkiakëve, ftesa e Ramës ka mbërritur me email, e jo me ftesë të shkruar. Kjo siç duket shfrytëzohet nga të zgjedhurit e djathtë, si një ndër shkaqet e mosardhjes në takimin e sotëm.
