Muzikanti i njohur britanik Elton John ka thënë se i vjen keq që ai nuk u takua me presidentin rus Vladimir Putin, gjatë qëndrimit të tij në Moskë, por ai shpreson që në të ardhmen do të bisedojë me të për të drejtat e LGBT në Rusi.
Muzikanti, në një koncert në Moskë, e falënderoi presidentin që e ftoi atë për të biseduar“, për çështje të rëndësishme, duke përfshirë edhe të drejtat e personave LGBT dhe ata që vuajnë nga AIDS në Rusi”, duke shprehur shpresën se takimi me liderin rus do të realizohet, citohet BETA.
John kritikoi ligjin që ndalon “propagandën homoseksuale” në Rusi dhe deklaratën e Putinit se homoseksualët duhet t’i lënë fëmijët dhe të mos i trazojnë.
Putin e ka ftuar në shtator Elton John, i cili është një homoseksual i deklaruar, për t’u takuar me të për të diskutuar çështjet e të drejtave të homoseksualëve.
Thirrja erdhi pasi muzikanti legjendar në instagram shkroi se pati një bisedë telefonike me Putinin, por që doli se ai ishte viktimë e një shakaje të dy rusëve. (b.an)
