Nga do t’ja mbaje? Klube nga Gjermania, Anglia, dhe Spanja kanë shfaqur interesim për transferimin e mbrojtësit të Napolit, Elseid Hysajn.
Pas paraqitjeve të mira me Napolin këtë sezon te Seria A, Elseid Hysaj, ka zgjuar interesimin e klubeve nga kampionati i Gjermanisë, Anglisë dhe Spanjës.
Në mesin e skuadrave të interesuara përfshihet edhe gjiganti gjerman, Bayern Muenchen. Këtë e ka konfirmuar babai i Elseidit, Gëzim Hysaj.
“Ne e dimë se interesim për Elseidin kanë shprehur disa klube gjermane, angleze dhe spanjolle. Për mua si prind është një nder i madh që interesohen klube të mëdha. Është diçka e veçantë që një klub si Bayern Muenchen tregon interes”, ka thënë Hysaj të martën për “tz.de”. (b.an)
