Një modele kanadeze, Elizaveta Bulokhova, kishte gjithçka që mund të dëshirojë dikush në jetë, një punë si modele në një prej firmave më të mëdha të modës, bashkëshortin dhe ishte në pritje të një fëmije. Gjithçka dukej perfekte, deri kur një tumor i rrallë në kocka, tronditi jetën e saj.
Gjithmonë duke udhëtuar për punë nga Londra në Taiwan, Elizaveta kishte vendosur të merrte një periudhë pushimesh dhe të transferohej në Amsterdam, Hollandë, bashkë me të shoqin me dëshirën pë të sjellë në jetë fëmijën e tyre të parë, Valentin.
Një moment i lumtur i shkatërruar nga zbulimi i kancerit, i cili në një pak kohë preku anën e djathtë të nofulla dhe shkaktoi enjtje të madhe. E vetmja zgjidhje ishte ndërhyrja kirurgjikale për heqjen e tumorit dhe nënshtrimi ndaj një sesioni kimioterapie.
Rreziku më i madh… aborti. Elizaveta pranoi që t’i nënshtrohej ndërhyrjes, por nuk mendoi për asnjë çast të hiqte dorë nga fëmija e saj. Në një ndërhyrje që zgjati plot 16 orë, mjekët arritën të hiqnin masën kancerogjene prej 17 centimetrash dhe nisën rindërtimin e saj me pjesë nga kocka e këmbës së djathtë dhe shpatullës së djathtë. Por para se të vazhdonte betejën kundër tumorit me kimioterapi, modelja e re solli në jetë Valentin, i cili lindi dhjetë javë para kohe.
Elizaveta humbi flokët, fytyra e saj mbeti me shenja, por pavarësisht kësaj ajo nuk u frenua dhe u rikthye të punojë si modele, me shenja, por krenare dhe e bukur./noa.al/
