“Elita 5” edhe pse nuk e ka famën e dikurshme pretendon gjithnjë për befasi. Rok-grupi i famshëm shqiptar, Elita 5, ka njoftuar se do të jetë shumë aktiv me projekte të reja. Vokalisti i grupit nga Tetova, Arif Ziberi, i ftuar në “SOT” të KTV-së, ka thënë se Elita 5 pas projektit “Më fal” ka në plan të sjellë edhe disa videoklipe të reja. “Një videoklip është duke u punuar dhe mendojmë edhe për një tjetër. Në ditët e sotme, videoklipi është i nevojshëm. Kemi pasur hite më parë pa videoklip, por sot është shumë i nevojshëm”, ka thënë ai.
