Ministrja e Shtetit për Marrëdhëniet me Parlamentin, Elisa Spiropali ishte sot në Paskuqan, ku u takua me banorë të kësaj zone. Teksa inspektoi punimet e rrugës “Marin Barleti”, Spiropali thotë se ky është një tjetër investim i rëndësishëm i bashkisë Kamzë, si pjesë integrale e shumë projekteve madhore urbane.
“Rrugë, kanalizime, trotuare, ndriçim, realizuar me një cilësi të jashtëzakonshme. Me ndërtimin e këtij segmenti, rritet jo vetëm aksesi i komunitetit në shërbime, por fuqizohen edhe bizneset e zonës.
Zemra mal që për 1 vit po u japim njerëzve të mrekullueshëm të kësaj zone shërbimet që ua mohoi politika dritëshkurtër e dhunës dhe abuzimit në bashkinë Kamzë”, shkruan Spiropali.
