Ka qenë një natë për t’u mbajtur mend, për këngëtaren e famshme shqiptare Elhaida Dani. Nga salla luksoze e “Wiener Stadthalle” në Vjenë, doli një rezultat që i la të gjithë shqiptarët të kënaqur dhe me shpresën se mund të kemi kësaj rradhe rezultatin më të mirë që një këngë shqiptare ka pasur në këtë festival prestigjioz. Me votat e Australisë dhe Europës, Elhaida Dani ka dalë në fazën finale të konkurimit, së Baashku me Rusinë, Greqinë, Armeninë, Serbinë dhe Belgjikën.
Kalohet kështu pengesa e parë dtrejtë ambicjes së Ehaida Dani nuk e ka fshehur këto javë: fitimin e Eurosong 2015! Çka do ta sillte këtë festival në Shqipëri në vitin e ardhshëm. Gjithsesi duhet pritur, pasi eksperienca e viteve të shkuara ka treguar se Eurosong është një konkurs kënge ku vendosin shumë edhe përkatësitë etnike, racat dhe simpatitë rajonale. Megjithatë Elhaida ka bërë që mbrëmë të ketë shumë frekuentues në rrjetet sociale që ndjekin eventin. Njëri prej tyre, shkruante “jam nga Bjellorusia, por votova Shqipërinë. Jam kaq e kënaqur që kjo këngë u kualifikua e para”. Tashmë na mbetet të presim fazën finale, për të parë sesi do të shkojë fati i këngës “I’m alive” të Elhaida Danit. Por për momentin, le të shijojmë suksesin e mbrëmshëm.
