Këngëtarja shqiptare Elhaida Dani, e cila arriti të korrë sukses duke e kualifikuar për në finale Shqipërinë në Eurovizion, me sa duket ka vendosur që të ndryshojë veshje.
Teksa në natën gjysmëfinale, ajo kishte veshur pantallona të zeza, në natën finale ka vendosur që të qëndrojë sërish tek e zeza, por këtë radhë do veshë një fustan.
Në gjysmëfinalen e parë, Dani kishte të veshur një palë pantallona dhe një pëlhurë të zezë dhe kjo shtyu kritikët që të thonë se ajo ka mundur të rrezikojë si Madonna e cila para pak muajsh u rrëzua për shkak të pelerinës.
Mirëpo Dani është kujdesur që për finale të vijë krejtësisht ndryshe. Në provat e fundit para finales që do të mbahet nesër (e shtunë) ajo është shfaqur në skenë me një fustan të zi.
