Kreu i grupit parlamentar demokrat, Gazment Bardhi ka folur për mediat jashtë Kuvendit.
Ai u ndal te thirrja në SPAK e deputetes Elda Hoti, në lidhje me substancën që ajo hodhi në Kuvend në seancat e kaluara.
Bardhi tha se çështja është qesharake, teksa akuzoi drejtorin e Policisë së Shtetit, Ilir Prodën dhe SPAK-un.
“Ishte thirrur nëe SPAK sepse Elisa Spiropali kishte ndjerë një aromë të keqe dhe këtë kishte ardhur fillimisht ta nuhaste përfaqësuesi i bandës së Elbasanit, drejtori i përgjithshëm i Policisë. Ilir Proda është i emëruari i bandave të Elbasanit. Dhe mbi bazën e nuhatjes që Ilir Proda kishte bërë në seancë plenare, sot koleges time iu mor 30 minuta kohë për një çështje qesharake. PD ka paditur vjedhjen miliona euro të kësaj qeverie, duke filluar që nga inceneratorët që kemi 4 vjet nuk marrim përgjigje e deri te Belinda balluku që SPAK nuk e ka thirrur për ta pyetur ku shkuan 180 milionë euro.
SPAK duhet të kishte marrë nën hetim policinë që futet në Kuvend dhe ka një kallëzim nga ana jonë që pret atje, por nuk ka prioritet për SPAK sepse prioritet për ta është të mbështesin drejtorin e bandës së Elbasanit në krye të Policisë së Shtetit”, tha Bardhi.
/a.r
