Policia jep detajet e para pasi biznesmeni 54-vjeçar i dha fund jetës duke u vetëvarur në sheshpushimin e shkallëve, në banesën e tij në Elbasan. Sipas policise, ne trupin e viktimes nuk jane konstatuar shenja dhune, apo demtime te tjera. Nderkohe po vijon marrja ne pyetje e familjareve per te hedhur drite mbi ngjarjen.
Ngjarja
Ngjarja ka ndodhur gjatë natës dhe sipas të dhënave të para mësohet se ai është identifikuar si shtetasi Shefik Bora, i njohur si pronar i një biznesi bar restorant në afërsi të parkut Rinia në Elbasan.
Policia ka njoftuar se ngjarja ka ndodhur rreth orës 21.30 në banesën e tij dhe kanë qenë vetë familjarët që janë përballur me skenën e tmerrshme, teksa kanë gjetur të varur e të pajetë familjarin e tyre.
Policia bën me dije se nga veprimet e para në trupin e biznesmenit nuk janë konstatuar shenja dhune.
Biznesmeni Shefik Bora disponon prej më shumë se 15 vitesh një lokal dhe hotel në fund të parkut Rinia të qytetit të Elbasanit, përballë të së cilit është ndërtuar edhe gjykata e re e qytetit.
Për pasojë sipas burimeve konfidenciale shkak i depresionit të biznesmenit ka qenë se vetëm pak kohë më parë ai është lajmëruar se lokali i tij do të prishet pasi aty do të ndërtohet rruga për në gjykatë, shkruan “Panorama”.
Gjithsesi Policia po heton edhe në pista të tjera siç është edhe borxhi që mund të ketë pasur biznesmeni.
Njoftimi i policise
Më datë 19.07.2017 në Lagjen “5 Maj” në sheshpushimin e shkallëve të banesës së tij, shtetasi Sh.B, 54 vjeç banues në Elbasan është vetëvarur si pasojë ka gjetur vdekjen.
Nga veprimet e para hetimore nuk janë konstatuar dëmtime apo shenja dhune.
Shërbimet e policisë ndodhen në vendngjarje dhe po punojnë për zbardhjen e plotë të rrethanave të ngjarjes.
ma.me
