Sekuestrohen në Elbasan 100 kg lëndë narkotike kanabis, asgjësohen 50 bimë në proçes tharje, sekuestrohen edhe dy telefona celularë, peshore dhe sende të tjera që shërbenin për kultivimin e bimëve narkotike.
Ndërsa policia ka vendosur në pranga poseduesit, babanë me dy djemtë, të cilët ishin hetim prej disa muajsh.
Operacioni u zhvillua në fshatin Gracen në banesën e shtetasit Vathar Çeka.
Të arrestuarit janë Vathar Çeka 50 vjeç dhe dy djemtë e tij Nuredin Çeka 22 vjeç dhe Ektor Çeka 20 vjeç banues në fshatin Gracen Elbasan.
Të arrestuarit në bashkëpunim me njëri- tjetrin bënin kultivimin e bimës narkotike dhe më pas e tregëtonin me shumicë në qytetin e Elbasanit dhe të Tiranës.
