Policia e Elbasanit ka shkatërruar një grup të strukturuar kriminal që akuzohet për shfrytëzim prostitucioni. Në kuadër të finalizimit me sukses të operacionit të koduar “Mesnata”janë arrestuar në flagrancë 4 persona mes tyre edhe një shtetas turk.
Në pranga kanë rënë:
1.S.J., 23 vjeçe, me banim në Cërrik, e cila akuzohet për veprën penale të “Prostitucionit”.
2.M. Odabasi, 32 vjeç , banues në AYDIN, Turqi i cili akuzohet për veprën penale të “Prostitucionit”.
Kapja në flagrancë e këtyre shtetasve u bë në qytetin e Cerrikut, një hotel, duke ushtruar prostitucion.
Si rezultat i veprimeve hetimore të kryera është bërë e mundur arrestimi në flagrancë edhe i shtetasit :
Ervis Meno, 23 vjeç, banues në Cerrik, i cili akuzohet për veprën penale të “Shfrytëzim prostitucionit”, në bashkëpunim, parashikuar nga neni 114 dhe 25 i Kodit Penal dhe “Mbajtje të ambienteve për prostitucion”.
Gjithashtu po si rezultat i veprimeve hetimore të kryera , u bë kapja dhe ndalimi i shtetasit :
Marsel Hima, 27 vjeç, banues në Cërrik, i cili akuzohet për Veprat penale të Shfrytëzim prostitucionit”, në bashkëpunim, parashikuar nga neni 114 dhe 25 të Kodit Penal dhe “Mbajtje pa leje e armëve të ftohta”.
Sipas policisë Marsel Hima dhe Ervis Meno dyshohen si persona të cilët kanë konsumuar veprat penale “Shfrytëzim prostitucioni”, dhe “Ushtrim prostitucioni”, duke shfrytëzuar shtetasen S.S për prostitucion, si dhe “Mbajtje të ambienteve për prostitucion “, “ Mbajtje të armëve të ftohta” kryer në bashkëpunim.
Në cilësinë e provës materiale janë sekuestruar një mjet prerës metalik, një automjet, tre telefona dhe sende të tjera. Sakaq, vijojnë hetimet për të parë nëse ka persona të tjerë të implikuar në këtë ngjarje.
Materialet për personat e mësipërm i kaluan Prokurorisë pranë Gjykatës se Shkallës se Parë Elbasan, për veprime të metëjshme.
