Sekuestrohen 16 doza lëndë narkotike e dyshuar me atë të llojit Heroinë.
Arrestohet në flagrancë poseduesi i lëndës narkotike dhe dy shtetas që kundërshtojnë me dhunë punonjësit e policisë.
Specialistët e Sektorit Kundër Narkotikëve, në Drejtorinë Vendore të Policisë Elbasan, në bashkëpunim me efektivat e Komisariatit të Policisë Cërrik bënë arrestimin në flagrancë të shtetasit:
Ø Aleks Pupuleku, 39 vjeç, banues në Cërrik.
Ky shtetas, u arrestua nga efektivat e policisë, gjatë ditës së djeshme, pasi gjatë kontrollit fizik policia i gjeti dhe i sekuestroi në cilësinë e provës materiale 16 doza lëndë narkotike e dyshuar me atë të llojit Heroinë.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Prodhimi dhe shitja e narkotikëve” parashikuar nga neni 283 i Kodit Penal.
Gjithashtu efektivat e Komisariatit të Policisë Cërrik, bënë arrestimin në flagrancë të shtetasve:
Ø Fetah Jançe, 23 vjeç, banues në Cërrik
Ø Sinan Sanxhaku, 19 vjeç, banues në Cërrik
Këta shtetas, u arrestuan nga efektivat e policisë, gjatë ditës së djeshme, pasi kanë kundërshtuar me dhunë punonjësit e policisë të Komisariatit të Policisë Cërrik duke mos lejuar arrestimin e shtetasit Aleks Pupuleku
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Kundërshtimi i punonjësit të policisë së rendit publik” parashikuar nga neni 236/2 të Kodit Penal./a.r.
