Një nënë në Elbasan ka bërë një denoncim në polici pasi vajza e saj e mitur është zhdukur. Ende nuk është zbardhur asnjë detaj rreth zhdukjes të miturës.
“Më datë 18.12.2021, shtetasja, M. K., ka kallëzuar se është larguar nga banesa vajza e saj, e mitur me iniciale E.K., banuese në lagjen “Beqir Dardha”, Elbasan”, njofton policia.
Gjithashtu policia ka arrestuar tre persona për vepra të ndryshme penale.
“Specialistët e Trafikut Urban dhe Interurban pranë DVP Elbasan, bënë arrestimin në flagrancë të shtetasëve:-H. Rr., 38 vjeç, dhe L. D., 64 vjeç ,banues në Elbasan, pasi u kapën duke drejtuar mjetin në gjendje të dehur. -H. M., 54 vjeç, banues në Elbasan, pasi duke drejtuar mjetin tip “Pasat”, ka aksidentuar këmbësorët,shtetasit ,A. H., dhe R. Sh., banues në Elbasan, të cilët ndodhen jashtë rreziku për jetën”, thuhet në njoftimin e policisë. Materialet kaluan në Prokurorinë e Rrethit Gjyqësor Elbasan, për veprime të mëtejshme”, njofton policia.
/b.h
