Dy persona kanë mbetur të plagosur si pasojë e një aksidenti të ndodhur mëngjesin e sotëm në Elbasan.
Në afërsi të bashkisë Elbasan, 53- vjeçari Th.B., banues në këtë qytet, duke drejtuar mjetin tip “Benz” me targa AA 171 AU ka aksidentuar këmbësorët R.S., 60 vjeç dhe A.M., 57 vjeç, të dy banues në Elbasan.
Dy të plagosurit u dërguan për ndihmë mjekësore në spitalin e Elbasanit dhe ndodhen jashtë rrezikut për jetën.
Ndërkohë drejtuesi i makinës u shoqërua në komisariat për veprime të mëtejshme. Aktualisht vijojnë hetimet për zbardhjen e plotë të rrethanave të aksidentit./a.k
