Një aksident i rëndë ka ndodhur në aksin Elbasan-Librazhd, ku mësohet se janë plagosur 5 persona. Paraprakisht mësohet se gjendja shëndetësore e të plagosurve është e rëndë. Në vendngjarje kanë shkuar policia dhe ambulanca. Nuk dihen ende detaje mbi rrethanat e aksidentit, por behet e ditur se aksidenti ka ardhur si pasoje e perplasjes se dy makinave njera me tjetren.
Njoftimi i policisë
Në unazën Elbasan, në lagjen Emin Matraxhiu, Elbasan, mjeti tip “Golf” me targa AA 280BU , me drejtues shtetasin Sh.H., 51 vjeç, banues në fshatin Mirakë Librazhd, është përpalsur me mjetin tip “Volkswagen” , me targa AA 824 HP, me drejtues shstetasin V. D., 25 vjeç, banues në lagjen “5 Maji’ Elbasan.
Si pasojë e aksidentit janë dëmtuar dy drejtuesit e mjeteve dhe 2 pasagjere që ndodheshin në këto mjete , të cilët janë transportuar në Spitalin e Elbasanit, ku shtetasja K.H., 49 vjeç , banuese në Librazhd, pasagjere në mjetin me targa AA280BU, ndodhet në gjendje të rëndë, ndërsa të tjerët janë jashtë rrezikut për jetën. Grupi Hetimor ndodhet në vendngjarje dhe po punon për zbardhjen e shkakut të aksidentit.
