Një ngjarje e rëndë ka ndodhur në qytetin e Elbasanit, ku vëllai ka goditur me thikë vëllai dhe kunatën e tij. Policia njofton se autori i kësaj ngjarjeje, Altin Illiu, 35- vjeç është arrestuar menjëherë nga uniformat blu, ndërsa i vëllai i tij 43- vjeçari G.I dhe kunata 39- vjeçarja M.I janë dërguar në spital për të marrë ndihmën mjekësore.
43- vjeçari i cili u plagos me thikë nga vëllai i tij ndodhet në spitalin Kirurgjik të Elbasanit, jashtë rrezikut për jetën. Dyshohet se ngjarja e rëndë ka ndodhur pas një konflikti të ccasti.
Njoftimi i policisë:
Specialistët e Sektorit për Krimet e Rënda, në Drejtorinë Vendore të Policisë Elbasan, bënë arrestimin në flagrancë të shtetasit:
Altin Illiu, 35 vjeç, banues në Elbasan
Arrestimi i tij u bë pasi në Lagjen “Brigada 17 Sulmuese”, në banesë pas një konflikti të momentit me familjarët ka goditur me thikë vëllain e tij shtetasin G.I., 43 vjeç dhe kunatën e tij shtetasen M.I., 39 vjeçe.
Shtetasi G.I., ndodhet në spitalin Kirurgjik Elbasan, jashtë rrezikut për jetën ndërsa bashkëshortja e tij shtetasja M.I, pasi ka marrë mjekim në spitalin Kirurgjik Elbasan është larguar për në banesë.
Grupi hetimor gjatë kontrollit të banesës i ka gjetur dhe sekuestruar në cilësinë e provës materilale thikën me të cilën Altin Illiu goditi vëllain dhe kunatën e tij.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Plagosja e rëndë me dashje” dhe “Prodhimi dhe mbajtja pa leje e armëve të ftohta” parashikuar nga nenet 88 dhe 279 të Kodit Penal.
