Finalizohet me Sukses Operacioni i Koduar “ARSENALI”.
Sekuestrohen municione luftarake, tritol dhe një armë zjarri.
Arrestohet në flagrancë një shtetas.
Mbi bazën e informacioneve të marra në rrugë operative, Specialistët e Sektorit Kundër Narkotikëve dhe Trafiqeve, në Drejtorinë Vendore të Policisë Elbasan, finalizuan me sukses operacionin e koduar “ARSENALI”.
Si rezultat i këtij operacioni, u bë arrestimi në flagrancë i shtetasit:
Ismail Hyka, 50 vjeç, banues në fshatin Karakullak Elbasan.
Ky shtetas, u arrestua nga efektivat e policisë, pasi gjatë kontrollit të ushtruar në banesën e tij, u gjetën dhe u sekuestruan në cilësinë e provës materiale:
Një armë zjarri automatik kallashnikov,
500 copë fishekë pistolete,
3000 copë fishekë automatiku,
3 granata dore ofensive,
20 granata dore difensive,
23 copë ndezës metalike,
5 krëhëra automatiku kallashnikov,
3 krëhëra pushke,
8 kallëpe tritoli TNT 200 gr,
1 kapsolle plasëse me fitil.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Trafikimi i armëve dhe i municionit”, “Prodhimi dhe mbajtja pa leje e armëve luftarake dhe e municionit” dhe “Trafikimi i lëndëve plasëse, djegëse, helmuese dhe radioaktive” parashikuar nga nenet 278/a, 278, 282/a të Kodit Penal.
