Një biznesmeni të njohur në qytetin e Elbasanit i grabitet banesa. BalkanWeb raporton se ngjarja ka ndodhur në orët e para të kësaj të hëne, ndërsa në banesën e biznesmenit kanë mundur të grabisin kasafortën me para dhe dy makina luksoze.
Policia dyshon se grabitja në fjalë ka qënë e mirëorganizuar dhe e menduar deri në detaje. Grabitësit kanë mundur të futen në banesën e biznesmenit duke hapur derën kryesore, ndërsa çelësat e makinave i kanë marrë në tavolinat e paradhomës.Ndonëse në banesë kishte edhe pjestarë të familjes, askush prej tyre nuk ka dëgjuar lëvizjet e hajdutëve.
Policia e Elbasanit ka nisur tashmë hetimet për identifikimin dhe kapjen e autorëve të grabitjes.
