Policia e Elbasanit ka arrestuar në flagrancë një 44 vjeçar i akuzuar për posedim dhe trafikim të municioneve dhe armëve luftarake, pasi gjatë kontrollit të ushtruar në banesë iu zbuluan 3 kg tritol, kapsolla, fishekë dhe skelet kallashnikovi.
Në kuadër të finalizimit me sukses të operacionit të koduar “Shijon” është vënë në pranga Petrit Gjika, vjeç 44, banues në fshatin Shijon të Elbasanit. Ai u arrestua nga efektivat e policisë, mbi bazën e informacioneve të marra në rruge operative se dispononte dhe do trafikonte lëndë shpërthyese, municione e kapsolla. Policia ka ushtruar një kontroll të imtësishëm në banesën e 44 vjeçarit ku si rezultat u gjetën dhe u sekuestruan: 3 kilogramë tritol, 36 kapsolla, 350 fishekë dhe nje skelet kallashnikovi të cilat tentonte t’i shiste për qellime përfitimi.
Hetimet nga ana e policisë vazhdojnë për të zbuluar edhe bashkëpuntorët e tjerë të përfshirë në këtë veprimtari kriminale. Materialet i kaluan Prokurorisë së Elbasanit për veprime të mëtejshme për veprën penale “Trafikim i armëve luftarake dhe municionit ” dhe ” Prodhimi dhe mbajtja të armëve luftarake, municionit, lëndëve plasëse dhe eksplozivëve “.
