Elbasan, aksident i rëndë rrugor, vdes 70-vjeçari
Një aksident me pasojë vdekjen e një 70-vjeçari ka ndodhur sot në aksin Elbasan-Librazhd, pranë fshatit Labinot-Fushë. Mjeti, i cili drejtohej nga 34 vjeçari me iniciale L. Xh., ka përplasur për vdekje 70-vjeçarin Qazim Brahja, banues në Labinot-Fushë, i cili po kalonte nga njëra anë e rrugës në tjetrën. Edhe pse është shoqëruar menjëherë në spitalin e Elbasanit, 70-vjeçari nuk ka mundur t’u mbijetojë plagëve të marra.
Policia ka shoqëruar dhe po merr në pyetje shtetasin me inicialet L.Xh., 34 vjeçar, drejtuesin e mjetit, i cili po merret në pyetje. Bëhet e ditur se mjeti levizte me shpejtësi tej normave, çka e ka bërë të pamundur shmangien e përplasjes në momentin që 70-vjeçari i ka prerë rrugën.
