Sergio Ramos vazhdoi me zakonin e shënimit të golave në ndeshjet e mëdha, duke i hequr fitoren Barcelonës në El Clasico. Mbrojtësi i Real Madridit shënoi në minutën e 90-të, duke fshirë epërsinë e katalanasve, falë golit të Luis Suarezit në minutën e 53-të.
Me barazimin, Reali ruan diferencën prej gjashtë pikësh kundrejt Barcelonës, ndërkohë që më herët, Sevilla e vendit të tretë u mund nga Granada.
Pas 14 javëve, madrilenët e udhëhequr nga Zinedine Zidane nuk e kanë njohur ende humbjen.
d.i.
