Një 35-vjeçar shqiptar është ekzekutuar me 2 plumba në shtetin fqinj të Greqisë. Mësohet se krimi ka ndodhur në Menidhi të Athinës, ku 35-vjeçari ka marrë dy plumba, një në kokë dhe tjetrin në kraharor, duke i sjellë vdekjen e menjëhershme.
Sipas mediave greke, dëshmitarët që kanë parë të gjithë ngjarjen, thonë se në momentin kur ai është qëlluar, shqiptari ndodhej në makinë. Po ashtu, po sipas dëshmitarëve kanë qenë dy persona me motor që kanë qëlluar në drejtim të 35-vjeçarit.
Ende nuk dihet identiteti i viktimës, ndërsa hetimet e para thonë se ekzekutimi i tij ka të bëjë me trafikun e drogës, pasi shqiptari prej kohësh ishte i skeduar nga policia.
a.ç
