Rreth dy vjet pas ekzekutimit në Holandë të dy vëllezërve nga Elbasani, Florenc dhe Glevis Tola, gjykata ka liruar nga akuzat shqiptarin Herald. R., i cili u dyshua si autor i vrasjes. Mësohet se gjykata holandeze ka rrëzuar akuzën ndaj 27-vjeçarit shqiptar, pasi nuk u gjetën prova të besueshme që ai të akuzohet për vrasjen e dyfishtë.
Dy vëllezërit Tola u vranë në Roterdam të Holandës në Janar të 2015, gjatë një shkëmbimi me armë zjarri, ku mbeti i plagosur edhe Serxhio Piku. Shqiptari Herald. R. ishte përfshirë në përleshjen me armë për shkak të një konflikti për drogë, por sipas gjykatës nuk ka qenë ai ekzekutori i dy vëllezërve nga Elbasani. Gjithsesi 27-vjeçari Herald. R do të qëndrojë 5 vjet në burg në Holandë, pasi u shpall fajtor për armëmbajtje pa leje dhe trafik droge.
ma.me
