Gazetarja e Euronews Albania, Sara Demushi, ishte këtë të premte në marketin ku dy ditë më parë u ekzekutua në një atentat mafioz Nikolin Lekstakaj.
Demushi tha se Lekstakaj kishte hyrë në market për të blerë një pijë freskuese dhe kishte ndarë një bisedë të shkurtër me shitësen dhe një fëmijë të mitur që ndodhej aty.
Viktima u qëllua pabesisht nga një breshëri kallashnikovi, në momentin që doli nga marketi, duke humbur jetën në vend.
Policia është vendosur menjëherë në lëvizje dhe janë marrë në pyetje shumë antëtarë të familjes Nikulaj, pasi hasmëria mes dy fiseve është një nga pistat kryesore.
“Ishte rastësi apo mesazh dita në të cilën Nikolin Lekstakaj u ekzekutua? Pasi në të njëjtën datë, fiks tre muaj më parë u ekzekutua Ardian Nikulaj në ambientet e biznesit të tij”, tha gazetarja Demushi.
Vetëm një ditë pas ngjarjes së rëndë, policia ka arritur të gjejë automjetin me të cilin dyshohet të jetë kryer vrasja. Mjeti u gjet i djegur vetëm pak kilometra larg vendit të gjarjes, në fshatin Gjadër.
Brenda në automjet janë gjetur një armë zjarri automatik dhe disa gëzhoja, të cilat pritet t’i nënshtrohen ekspertizës.
Demushi tha se janë dy kamera që kanë filmuar gjithë skenën e krimit, por për shkak të cilësisë së dobët ato nuk i kanë ndihmuar hetuesit në identifikimin e autorëve, të cilët kanë qenë dy.
“Ka pasur vetëm dy kamera kamera sigurie, por për shkak të cilësisë së ulët ka qënë e pamundur që pikërisht për grupin hetimor dë bëhej e mundur edhe indetifikimi i autorëve Deri në këto momente bëhet fjalë për dy persona referuar edhe dëshmisë së shitëses e cila ka qënë në ambientet e brendshme”, tha Demushi./m.j
