Në rubrikën Intervista e Ditës në Dritare TV, në lidhje të drejtpërdrejtë nga Londra ishte avokati Naim Hasani. Hasani foli në lidhje pasqyrimin në mediat britanike të vrasjes së biznesmenit Ardian Nikulaj, mesditën e 19 prillit në Shëngjin.
“Kjo ngjarje nuk ka pas një jehonë të madhe siç ka jehonë krimi shqiptar në Britani. Disa media të djathta kanë pasqyruar si është gazeta ‘The Sun’, ‘Daily Mail’ pasqyruan mënyrën si u krye krimi dhe faktin që janë arrestuar qytetarët britanik dhe u është komunikuar akuza e arrestit me burg duke pritur të ekstradohen drejtë Shqipërisë. Sa i përket mediave kryesore në Britani kjo nuk është pasqyruar në atë nivel që duhej pasqyruar. Ndoshta për herë të parë shohim që një vepër është organizuar duke pasur pjesëtar, një vrasje të tillë mafioze, shtetas anglez. Padyshim Shqipëria nuk e ka luksin të ketë një retorikë ashtu siç ka pasur retorikë për kriminelët ministrja e brendshme Suella Braverman, por padyshim që krime të tilla janë të dënueshme kudo. Kriminelët nuk kanë shtetësi, kombësi.
Krimin nuk e kanë shpikur shqiptarët, kriminel ka në çdo vend. Falë bashkëpunimit të autoriteteve angleze me ato shqiptare, që menjëherë sapo është bërë i ditur identiteti i qytetarëve britanik, që janë përfshirë bashkë me një qytetarë shqiptaro- britanik, kanë vepruar në mënyrë të drejtpërdrejtë dhe kanë bërë të mundur arrestimin e tyre dhe dërgimi para organeve të drejtësisë të personave të dyshuar për vrasjen e biznesmenit në Shëngjin.
Dua të theksoj se qeveria shqiptare dhe ajo britanike kanë një bashkëpunim të gjatë sa i përket ekstradimit të shtetasve të huaj, por për hir të faktit, ka qenë kërkesa e qeverisë shqiptare për të ekstraduar shqiptarët drejt Shqipërisë për vepra të ndryshme kriminale, që kishin ardhur në Angli dhe kishin nisur një jetë tjetër duke ju fshehur drejtësisë prej vite”, u shpreh Hasani./m.j
