Janë zbardhur detaje të reja në lidhje me ekzekutimin e Edmond Keçi alias Mond Çekiçi. Ngjarja e cila ndodhi mëngjesin e djeshëm në Durrës, la në vendngjarje 30 gëzhoja automatiku. Arma që është përdorur në krim është AK-47, ndërsa dyshohet se mund të jetë blerë jashtë vendit.
Hetuesit po analizojnë edhe automjetin nëse ai rezulton i vjedhur apo të jetë sjellë nga jashtë vendit posaçërisht për këtë ngjarje. Ndërkohë gjatë natës janë shoqëruar 23 persona në polici, si të dyshuar për ngjarjen.
Edmond Keçi alias Mond Çekiçi, u ekzekutua mëngjesin e djeshëm pranë DAR në Durrës. 40-vjeçari ishte duke udhëtuar me shoferin e tij kur një makinë Benz i preu rrugën dhe dy persona e qëlluan me breshëri duke e lënë të vdekur në vend. Ai njihej si miku i Lulzim Berishës dhe një nga personazhet më të rrezikshëm të botës së krimit në Shqipëri.
g.kosovari
