Kur kanë kaluar 48-orë nga ekzekutimi i ish-efektivit të Policisë së Lezhës Dritan Lorenci, grupi hetimor nuk ka siguruar asnjë provë që mund të ndihmojë në zbardhjen e ngjarjes dhe identifikimin e autorëve.
Sipas policisë, deri në këto momente nuk ka asnjë të arrestuar, pavarësisht se naë komicariat janë shoqëruar rreth 15 persona në cilësinë e shtetasve që mund të kenë dijeni për ngjarjen.
Këta persona sipas grupit hetimor janë lënë sërish të lirë, pasi nuk u vërtetua asnjë lidhje e tyre me atentatin e tipit mafioz.
Duke analizuar dinamikën e ngjarjes, hetuesit kanë dalë në konkluzionin se viktima ndiqej prej kohësh, derisa u gjet momenti i volitshëm për ta ekzekutuar, duke shmangur lënien e gjurmëve.
Dyshohet se në atentat kanë marrë pjesë më shumë se një person.
Sipas të dhënave, ish-polici u qëllua duke udhëtuar me mjetin e tij, nga një tjetër mjet në ecje.
Atentati dyshohet të jetë kryer nga vrasës profesionistë me pagesë. Viktima dyshohet jë jetë vrarë me një armë gjuetie të kalibrit të lartë.
Pista kryesore e hetimit është përqëdruar tek vrasja e ndodhur 5 vite më parë në gjykaten e Lezhës ngjarje në të cilën u përfshi edhe ish-efektivi i policisë rrugore.
