Një makinë është gjetur e djegur në kufirin greko-shqiptar, ndërsa autoritetet dyshojnë se mund të jetë përdorur në vrasjen e Gramoz Memës tre ditë më parë në Ksamil.
Mjeti tip “Ford” është gjetur mëngjesin e së martës në vendin e quajtur “Kataeto”, Bashkia Konispol. Mjeti dyshohet se është ai i përdorur nga autorët për vrasjen e 40-vjeçarit 3 ditë më parë në Ksamil.
Pasi kanë kryer krimin, autorët, për të cilët dyshohet të kenë qenë katër vetë, mendohet të kenë kanë kaluar Butrintin duke përdorur lundrën dhe më pas kanë përshkuar aksin rrugor Vrinë – Çiflik deri në vendin e quajtur “Kataeto” ku kanë djegur makinën.
Fakti që mjeti është gjetur në këtë vend, bën të dyshohet se autorët kanë kaluar kufirin e gjelbër dhe kanë zbritur në vendin e quajtur “Loridha” në Sajadhë të Igumenicës.
/b.h
