Ekuadori ka vendosur sot që të lejojë prokurorët suedezë të marrin në pyetje themeluesin e WikiLeaks, Julian Assange brenda ambasadës së Ekuadorit në Londër, tha një zëdhënëse.
“Kjo do të thotë se hetimi mund të ecë përpara”, tha Karin Rosander, e zyrës së Prokurorisë suedeze.
Prokurorët suedezë duan të marrin në pyetje Assange lidhur me një përdhunim të dyshuar në vitin 2010, akuzë të cilën ai e mohon.
“Në javët në vazhdim do të vendoset një datë për procedurën”, tha Ministria e Jashtme e Ekuadorit.
Shtetasi australian ka qenë i fshehur në ambasadë që prej vitit 2012.
Ai u vendos në ambasadë, pasi humbi një betejë ligjore në Britani kundër ekstradimit në Suedi.
Pas kësaj ngjarjeje Ekuadori i dha azil Assange, pasi ai deklaroi se kishte frikë ekstradimin në Shtetet e Bashkuara te Amerikes, ku kërkohet në lidhje me publikimin e WikiLeaks të disa dokumentave sekrete diplomatike.
Vitin e kaluar, Suedia dhe Ekuadori miratuan një pakt ligjor për të ofruar ndihmë juridike në rastet penale.
