Ekstradohet nga Zvicëra një shtetas Kosovar i dënuar me 20 vjet burg.
Nga zyra Qëndrore Interpol Tirana u krye ekstradimi nga Zyrihu/Zvicër, drejt vendit tonë, i shtetasit Kosovar:
Osman KORPUZI, 37 vjeç, lindur në Kosovë.
Shtetasi Osman KORPUZI ishte person i shpallur në Kërkim Ndërkombëtar në zbatim të vendimit të Gjykatës së Shkallës së Parë për Krimet e Rënda Tiranë, e cila me vendimin Nr. 01, datë 16.01.2015, e ka dënuar shtetasin Osman KORPUZI, me 20 vjet burg, për kryerjen e veprës penale të“ Vrasje me paramendim e kryer në bashkëpunim, e mbetur në tenativë“, parashikuar nga nenet 78, 25 dhe 22 të Kodit Penal të Republikës së Shqipërisë.
Si rezultat i bashkëpunimit të Interpol Tirana me Interpol Bernën/Zvicër, u bë i mundur arrestimi i tij në Zvicër, me qëllim ekstradimi drejt vendit tonë.
