Ekstradohet nga Interpol Tirana një shtetas i dënuar me 15 vite burg për “Vjedhje me armë”.
Burime nga Policia e Shtetit njoftojnë se nga Zyra Qendrore Interpol Tirana u krye ekstradimi nga Athina (Greqi) drejt vendit tonë, i shtetasit shqiptar Luan Musta, 41 vjeç , banues në Elbasan. Luan Musta ishte person i shpallur në kërkim ndërkombëtar në zbatim të vendimit të Gjykatës së Rrethit Gjyqësor Elbasan nr. 201 datë 29.09.2005 për veprën penale “Vjedhje me arme“, i dënuar me 15 vjet burg.
Si rezultat i bashkëpunimit të Interpol Tirana me Interpol Athina u bë i mundur arrestimi i tij në Greqi, me qëllim ekstradimin drejt vendit tonë.
