Një 30 vjeçar është ekstraduar nga Greqia për në Shqipëri i dënuar me arrest me burg për trafik të lëndëve narkotike. I ekstraduari është Dhimitri Memini, 30 vjeç, banues në Vlorë. Sipas policisë, Gjykata e e Shkallës së Parë për Krimet e Rënda , më datë 04.06.2012, ka vendosur masën e sigurisë “Arrest me burg”, për veprën penale të “Trafikim të narkotikëve” kryer në bashkëpunim e mbetur në tentativë dhe ”Prodhim dhe shitjes së narkotikëve” në bashkëpunim.
Përmbledhje e ngjarjes së ndodhur:
Në datën 30.05.2012 rreth orës 05.00, Memini në bashkëpunim me shtetasin E.F, dhe J.M ka tentuar të trafikojë nga Shqipëria drejt Greqisë një sasi prej 6 kg narkotike (cannabis sativa) e cila është sekuestruar në pikën e kalimit kufitar Kakavijë.
Njëkohësisht gjatë kontrollit të ushtruar në banesën e 30 vjeçarit dhe J.M u sekuestrua nje sasi prej 23 kg e cila pritej të trafikojhej.
Si rezultat i bashkëpunimit të Interpol Tirana me Interpol Athinën, u bë i mundur arrestimi i tij në Greqi me qëllim ekstradimi drejt vendit tonë.
Në Aeroportin e Rinasit ky shtetas iu dorëzua Drejtorisë së Përgjithshme të Burgjeve
