Një burrë nga Eritrea, i cili besohet se qëndron në zemër të operacionit për t’i trafikuar emigrantët nga Afrika për në Evropë, është ekstraduar në Itali.
BBC shkruan se Mered Medhanie, i njohur si “Gjenerali”, ishte arrestuar në maj të këtij viti në Sudan para se të dërgohej sot në Romë.
Ndërkohë, Agjencia Kombëtare e Krimit e Britanisë ka thënë se ai mendohet të ketë aranzhuar transportimin e një anije e cila u fundos afër ishullit italian, Lampedusa, në tetor të vitit 2013.
Të paktën 359 emigrantë vdiqën kur anija, që po udhëtonte nga Libia, u fundos.
Disa nga ata ishin nga Eritrea dhe Somalia.
Agjencia italiane e lajmeve “Ansa” ka thënë se Medhanie akuzohet për të qenit lider dhe organizator i njërit prej grupeve më të mëdha kriminale që operojnë në mes të Afrikës qendrore dhe Libisë./a.m.
