Deputeti i Partisë Demokratike Enkelejd Alibeaj ka deklaruar se opozita do të kërkojë interpelancë në Parlament me ministren e Drejtësisë Etilda Gjonaj për ekstradimin në Itali të Nezar Seitit.
Gjatë një deklarate për mediat nga selia blu, Alibeaj theksoi se ekstradimi i financierit të bandës së “Habilajve” është bërë për të mbyllur hetimin në Shqipëri ndaj Saimir Tahirit.
Deputeti demokrat u shpreh se Nezar Seiti nuk mund të ekstradohej në Itali për shkak se është i proceduar në Shqipëri pasi u arrestua në Vlorë gjatë operacionit në Babicë.
“PD ka vendosur të thërrasë në interpelancë urjgnete ministren e Drejtësisë si përgjegjëse kryesore. Jemi të bindur se kjo interpelancë do t’i shërbejë zbulimit të skemës se si Edi Rama kërkon të mbyllë dosjen e Saimir Tahirit.
PD disponon provën zyrtare që provon se për t’i shërbyer Edi Rama, ministrja e Drejtësisë gënjen kur deklaron se financieri i bandës Habilaj nuk ka qenë në hetim në Shqipëri”, u shpreh deputeti Alibeaj.
a.ç
