Ekstradimi i Dritan Rexhepit nga Turqia në Shqipëri, është një nga sukseset më të mëdha të policisë.
Eksperti i kriminalistikës, Ervin Karamuço deklaroi se Rexhepi është kampion i arratisjes dhe duhet mbajtur nën vëzhgim.
Ervin Karamuço: Veshin e majtë e ka më të deformuar gjithmonë. Në pamjet e Interpolit, veshin e marrin si një pjesë shumë të dallueshme të tij. Identifikimi është kryesor. Këtu ka krime të rënda, përveç vrasjes së një polici, dhe një personi tjetër. Vendimi është në fuqi me 25 vjet burg. Kemi zhdukjen e një personi në Shijak. Ka vepruar vetëm përpara, pastaj u fut në organizata transnacionale. Ky është rreziku më i madh, ky person është kampion i arratisjes. Nuk i bën vetë, ka njerëz, korrupton sistemin. Tani po e mbajnë në paraburgimin e 313. Organizata nuk e ka më këtë. Ky ka qenë në hierarki, por jo në rolin drejtues. Ka biznese në Shqipëri, të ligjshme. Deri më tani nuk është hetuar. Ka dyshime të forta që disa prej këtyre investimeve, ka të innjektuar para nga grupet kriminale. Disa po hetohen, disa po pritet të hetohen.
