Është hapur ekspozita nr.3 e GALERIAKALO e titulluar “Split canvas / Piktura e ndarë në pjesë”. Pjesëmarrës në hapjen e kësaj ekspozite ishte edhe ambasadori italian në vendin tonë Massimo Gaiani. Në fjalën e tij ambasadori Gaiani përshëndeti të pranishmit duke vlerësuar kontributin qe GALERIAKALO jep duke organizuar ekspozita arti që mbledhin bashkë herë pas here miq e dashamirës të artit, që përfaqësojnë sektorë të ndryshëm. Ai tha se rezidenca e Ambasadorit Italian ka qenë muzeum dhe, si i tillë është e hapur për promovimin e arteve shqiptare, gjë që mund të konstatohet duke vizituar vepra të artistëve shqiptarë e Italianë të varura nëpër muret e saj.
Së fundmi, Gaiani shprehu bindjen se arti ka qenë e mbetet një mjet komunikimi që kapërcen cdo barrierë dhe kontribuon në forcimin e marrëdhenieve ndërkulturore. Sipas tij, fakti që në ekspozitën nr. 3 qëndrojnë përkrah njëra-tjetrës shumë bukur vepra të artistëve nga 7 vende është dëshmi e kësaj.
Sakaq, ekspozita do të qëndrojë e hapur deri më 10 Nëntor 2015
