“Kur për herë të parë në Poughkeepsie ia tregova incizimet e qytetit, Liam Gillick më tha: ‘Anri, ma thuaj të vërtetën. Më thuaj se ky qytet nuk ekziston. Të lutem më thuaj se nuk e ke një mik artist-kryetar?’” Kështu nis videoja “Dammi i Colori” (2003), e cila i është bashkangjitur ekspozitës retrospektive të artistit shqiptar Anri Sala në tri kate në “New Musem” e që titullohet “Anri Sala: Answer Me”, transmeton “Koha Ditore” shkrimin e Artnet.
Filmi 15-minutësh flet për programin e zbukurimit të Tiranës nga kryetari Edi Rama, të cilit Gillick i referohet “miku artist-kryetar”. Rama si kryetar bashkie tentoi të tubojë qytetarët varfër të kryeqytetit post-komunist dhe t’u dekorojë shtëpitë e tyre të shkatërruara me ngjyra, si një shprehje prekëse e besimit në fuqinë e estetikës.
Për Salën, historia nuk është shpikje artistike; në fakt Rama më 2013 u bë kryeministër i Shqipërisë. Ekspozita në “New Museum” në New York përmban madje edhe vizatime të realizuara nga Rama e Sala kur këta të dy për një kohë të gjatë ishin miq. Sala shkoi në Paris në vitin 1996 për të studiuar. Në vitin 1998, si student i artit, ai realizoi filmin “Intervista (Finding the Words), e cila do të transmetohet të mërkurën në bodrumin e “Neë Museum”. Ky film sjell Salën dhe përfshin incizime të nënës së tij në kohën kur ajo ishte mbështetëse e fortë e ish – diktatorit shqiptar Enver Hoxha.
