Ekspozita e 5-të Ndërkombëtare e Produkteve të Konsumit e Kinës (CICPE), që po zhvillohet në provincën ishullore tropikale të Hainan-it, që zgjat nga 13 deri më 18 prill, ka tërhequr pjesëmarrjen rekord të mbi 4 100 markave nga 71 vende e rajone.
Britania e Madhe është vendi i nderit i këtij viti, me 27 kompani nga fusha të tilla si moda dhe bukuria. Markat kryesore, si “Burberry” dhe “Bentley”, paraqitën ofertat e tyre më të fundit, me një theks të fortë në teknologjinë e gjelbër dhe zhvillimin e qëndrueshëm.
“Kam parë inovacionin dhe rritjen e jashtzakonshme që po ndodh brenda ekonomisë kineze në vitet e fundit,veçanërisht në teknologjinë digjitale, shkencat e jetës dhe energjinë e gjelbër,” u shpreh Douglas Alexander, ministër i shtetit i Departamentit të Biznesit dhe Tregtisë të Britanisë së Madhe.
Këto fusha paraqesin mundësi të rëndësishme për të dyja ekonomitë, tha ai, duke theksuar angazhimin e Britanisë së Madhe për të thelluar lidhjet ekonomike me Kinën.
Ekspozita e këtij viti përmban për herë të parë zona për inteligjencën artificiale dhe ekonominë e lartësisë së ulët, duke shfaqur teknologji dhe produkte të përparuara nga kompanitë teknologjike kryesore në të gjithë botën.
