Eksportet e Tajvanit në territorin kinez dhe Rajonin e Posaçëm Administrativ të Hong Kongut u rritën në 17.14 miliardë dollarë amerikanë në nëntor, 18.9 për qind më shumë nga viti në vit, sipas të dhënave të publikuara nga autoritetet financiare të ishullit të martën.
Kina kontinentale dhe Hong Kongu mbetën destinacioni më i madh i eksportit të Tajvanit, duke zënë 41.2 për qind të eksporteve totale të ishullit në nëntor, bën të ditur “Xinhua”.
Tajvani pa një suficit tregtar prej 5.71 miliardë dollarësh amerikanë në nëntor dhe suficiti i tij tregtar me kontinentin ishte 9.07 miliardë dollarë amerikanë.
Gjatë 11 muajve të parë të këtij viti, eksportet e Tajvanit arritën në 405.75 miliardë dollarë amerikanë dhe importet u rritën në 346.23 miliardë dollarë. Eksportet e ishullit gjatë kësaj periudhe arritën një rekord prej 171.81 miliardë dollarë amerikanë, ndërsa importet arritën në 76.49 miliardë dollarë amerikanë.
Autoritetet financiare të ishullit thanë se rimëkëmbja ekonomike globale do të vazhdojë të mbështesë eksportet e Tajvanit, por përhapja e varianteve të Covid-19 dhe pengesat e zinxhirit të furnizimit mund të rëndojnë mbi eksportet e tij.
/b.h
