Detaje të reja janë zbardhur nga eksplozivi i vendosur mbrëmjen e djeshme në lagjen Pavarësia në Vlorë.
Mësohet se sasia plasëse e vendosur pranë pallatit të Kulturës në Vlorë, ishte rreth 200 gram dhe e vendosur me telefon. Lënda plasëse ishte e përgatitur në mënyrë artizanale nga lloji “tritol”.
Sasia e tritolit u asgjësua me shpërthim të komanduar nga Forcat Xheniere.
Mësohet se policia nuk e ka ende të qartë nëse lënda plasëse i ka rënë ndonjë makine, apo është vendosur në pemë në afërsi të ndonjë makine të parkuar.
Policia ka sekuestruar kamerat e sigurisë, përmes së cilave shpreson të zbardhë ngjarjen dhe të identifikojë autorin.
g.kosovari
