Bien përfundimisht dyshimet se mes forcave RENEA dhe grupit të zjarrit në Lazarat ka pasur shkëmbim të shtënash mëngjesin e 24 Qershorit. Janë ekzaminimet balistike të cilat kanë vërtetuar se armët e efektivëve RENEA, përfshirë edhe atë të dëshmorit Ibrahim Basha, nuk kanë bërë asnjë qitje.
Kjo do të thotë se forcat e policisë janë gjendur në befasi duke u kapur në pritë nga grupi kriminal i cili prej ditësh është shpallur në kërkim nga autoritetet e rendit.
Sipas ekspertëve, provat balistike vërtetojnë versionin fillestar se RENEA është sulmuar në befasi duke u gjendur në kurthin e ngritur nga grupi i zjarrit, në momentin që furgoni i policisë ka qenë në lëvizje.
Forcat e RENEA-s nuk janë kundër përgjigjur me armë në momentin kur u qëllua kolegu i tyre Ibrahim Basha. Megjithatë për veprimet dhe mosveprimet e tyre tashmë ka nisur një analizë nga Shërbimi për Çështjet e Brendshm për të verifikuar ligjshmërinë e të gjitha veprimeve të RENEA-s
