Presidenti amerikan, Donald Trump kërkonte të thyente kolonën vertebrale të kampit shiit antiamerikan në Lindjen e Mesme duke vrarë Qassem Soleimani, arkitekti i strategjisë iraniane në rajon, por ky sulm ka unifikuar dhe madje zgjeruar radhët e rrjetit të rezistencës, sipas disa ekspertëve.
Nga Bejruti në Teheran, tronditja ka qenë e madhe kur u njoftua vrasja e Soleimanit dhe zëvendësit të tij në Irak, Abou Mehdi al-Mouhandis.
Por, ajo ka qenë e shkurtër dhe grupet e armatosura irakiane kanë rimarrë menjëherë armët dhe fjalimet e tyre antiamerikane, braktisur që prej largimit të amerikanëve pas tetë viteve pushtim.
“Mund të ketë pasur një konsolidim të grupeve të armatosura, veçanërisht në nivel konfesional dhe ky vendim i presidentit amerikan, Donald Trump do të konsiderohet shumë shpejt si kundërproduktiv”, konfirmoi specialisti për Lindjen e Mesme, Karim Bitar.
Gjatë luftës kundër grupit të Shtetit Islamik, grupet pro-Iranit, tashmë integruar në shtetin irakian brenda Hachd al-Chaabi kanë luftuar në të njëjtin krah me ushtarët amerikanë. Por, sot, Shteti Islamik i dështuar dhe amerikanët godasin bazat dhe komandantët e Hachd, retorika anti-amerikane e pro-iranianëve gjen më shumë jehonë.
Brigadat e Hezbollahut, dega më radikale e Hachd, kanë premtuar fundin e pranisë amerikane në të gjithë rajonin.
Lideri shiit, Moqtada Sadr ka riaktivizuar ushtrinë e tij të Mehdit, që ka vrarë dhjetëra ushtarë amerikanë gjatë pushtimit para rrëzimit dhe shpërbërjes.
Dhe ai u kërkoi të gjitha grupeve irakiane të rezistencës (…) të formonin menjëherë batalionet e rezistencës ndërkombëtare.
Ish-zëvendësi i tij, që ka qenë njëkohësisht dhe armiku i tij më i madh, Qaïs al-Khazali është sot në të njëjtën linjë. Shefi i Assaib, premtoi për amerikanët se do të lëshonin “ferrin mbi kokat e tyre”.
Deputetët shiitë, të cilët që prej disa muajsh kanë kritikuar emërimin e kryeminsitrit të ardhshëm irakian, kanë rënë dakord për dëbimin e trupave të huaj jashtë vendit.
Në Rripin e Gazës, meqenëse partitë e vogla islamike kanë qenë gjithmonë pranë Iranit, madje edhe Hamasi në pushtet, e cilësuar vrasjen e Soleimanit si “orgji e dhunës e amerikane” kundër një njeriu që ka luajtur një rol mbështetës në rezistencën palestineze .
Në Jemen, rebelët Houthis, mbështetur nga Teherani, kërkuan reagime të shpejta dhe direkte.
/AFP/a.r
