Afrika e Jugut, Britania dhe Danimarka janë deri tani tre vendet ku Omicron po  përhapet me shpejtësi, një muaj pas zbulimit të tij. Britania po përballet me një “cunami” të koronavirusit për shkak të këtij varianti të ri, siç theksoi kryeministri Boris Johnson, në një kohë kur vendi regjistroi një rekord prej 93,000 rastesh në 24 orë.

Mbretëria e Bashkuar po lufton këtë krizë duke përshpejtuar fushatën e saj të vaksinimit, me dozën përforcuese që tani është në dispozicion për të gjithë të rriturit. Në Afrikën e Jugut, nga ana tjetër, studiuesit kanë arritur në përfundimin se varianti i koronavirusit shkakton simptoma më të buta. Sidoqoftë, peizazhi në lidhje me efektin e vaksinave ekzistuese dhe sëmundjes së koronavirusit në këtë mutacion është ende i paqartë.

Në Danimarkë, qeveria po përpiqet të marrë masa të reja për të reduktuar përhapjen e sëmundjes.

Por çfarë mund të mësojë pjesa tjetër e botës nga këto vende?

Është tepër vonë për të shmangur Omicron.

Megjithëse shumica e vendeve në mbarë botën kanë vendosur kufizime të udhëtimit, me teste dhe masa të reja, Omicron është përhapur me shpejtësi pothuajse kudo. Kreu i Organizatës Botërore të Shëndetësisë, Tentros Gebregesus, tha gjatë javës se 77 vende deri më tani kanë regjistruar raste të këtij varianti.

“E vërteta është se Omicron është përhapur në shumicën e vendeve, edhe nëse nuk është zbuluar ende. Po përhapet me një ritëm që nuk e kemi parë kurrë më parë. “Rastet e koronavirusit mund të rriten dhe të krijojnë një problem shumë serioz duke i gjetur të papërgatitura sistemet shëndetësore”, tha kreu i Organizatës Botërore të Shëndetësisë.

Të dhëna të ngjashme vijnë nga Danimarka, me institutin kërkimor Statens Serum që gjithashtu pret që mutacioni Omicron  të bëhet varianti dominues njësoj si në Angli. Vetëm të enjten, në vend u raportuan 10,000 raste, një rritje rekord, duke marrë parasysh që rastet në vendin skandinav deri tani kanë qenë të qëndrueshme, raporton abcnews.al

Kryeministrja Mette Frederiksen ka paralajmëruar masa të reja, pasi siç theksoi ajo, nuk ka rrugë tjetër për të luftuar këtë rritje të paprecedentë. Qendra Europiane për Kontrollin dhe Parandalimin e Sëmundjeve ( ECDC ) gjithashtu paralajmëroi gjatë javës se kishte një “rrezik shumë të lartë” që Omicron të përhapej më tej në Kontinentin e Vjetër. Ata shtuan se “ka shumë gjasa që kjo rritje të shkaktojë presion shtesë në sistemet shëndetësore të çdo vendi, me rritjen e numrit të viktimave dhe shtrimeve në spital”.

Vaksinimi nuk është i mjaftueshëm kundër Omicron

Sipas CNN, ekspertët në mbarë botën po u bëjnë thirrje vendeve të vazhdojnë të zbatojnë të gjitha masat që ndihmojnë në reduktimin e koronavirusit, si mbajtja e distancës dhe ventilimi i mirë.

Boris Johnson dhe Britania kanë nisur fushatën e tyre të vaksinimit,  veçanërisht për sa i përket dozës përforcuese gjatë javëve të fundit. Megjithatë, ata morën masa masa të reja, si detyrimi për të paraqitur një certifikatë vaksinimi për të hyrë në lokalet e natës dhe teatro. Gjithashtu është bërë e detyrueshme mbajtja e maskës në shumicën e ambienteve të brendshme.

Ministri i Shëndetësisë së Afrikës së Jugut  u bëri thirrje njerëzve që të respektojnë masat  në mënyrë që të mbajnë në kontroll përhapjen e koronavirusit. Por deri më tani asnjë nga qeveritë nuk ka vendosur të marrë masa drastike si për shembull: mbyllja e vendit.

Boris Johnson, i cili vizitoi një qendër vaksinimi në Ramsgate, tha se në vend që të vendoset bllokimi, njerëzit duhet të ndërgjegjësohen edhe më shumë në mënyrë që të mbajnë në kontroll virusin. Shumica e vendeve po ndjekin të njëjtën qasje, duke vendosur masa për të shmangur bllokimin, i cili mund të rezultojë katastrofik si për ekonominë dhe për shoqërinë në përgjithësi.

Për shembull, Norvegjia këtë javë vendosi masa shtesë për shkollat, si dhe për restorantet që shesin alkool. Megjithatë, disa vende po përpiqen të “jetojnë” me mutacionin e ri Omicron, veçanërisht kur vaksinimi vazhdon të ecë me ritme të larta.

Wales New South në Australi , ku 93.3% e banorëve mbi 16 janë të vaksinuar plotësisht, vendosi sërish disa nga masat për shkak të përhapjes së Omicron, shkruan abcnews.al

Është shumë herët për të ditur nëse Omicron është më i butë se variantet e tjera

Shkencëtarët janë duke studiuar të dhënat nga Afrika e Jugut për të kuptuar se si përhapet Omicron. Një studim i publikuar të martën nga Discovery Health – një kompani e madhe sigurimesh shëndetësore në Afrikën e Jugut që mbulon 3.7 milionë njerëz, nxori në pah se vaksinat ofrojnë më pak mbrojtje kundër llojit të ri, por theksuan se Omicron shkakton simptoma më të buta se variantet e mëparshme.

Dy doza të vaksinës Pfizer ishin 33% efektive ndaj infeksionit në përgjithësi, por 70% efektive në parandalimin e komplikimeve të rënda, përfshirë shtrimin në spital, thanë studiuesit. Ndërkohë, rreziku për tu shtruar në spital nga Covid-19 ishte 29% më i ulët tek të rriturit, në krahasim me llojin origjinal.

Shkencëtarët në Mbretërinë e Bashkuar do të shqyrtojnë ndikimin e variantit në një popullatë ku 89% e popullsisë së moshës mbi 12 vjeç ka marrë të paktën një dozë të një vaksine dhe 44% e atyre të moshës mbi 12 vjeç kanë kishte dy doza dhe një përforcues, sipas shifrave të qeverisë.

“Në shumë vende të botës do të ketë njerëz që janë të pavaksinuar ose që kanë marrë vetëm një dozë; në të gjithë Afrikën Sub-Sahariane shumica e njerëzve nuk kanë marrë ende dy doza,” tha Head. “Kështu që ne duhet të përpiqemi për vendet ku ku fushata e vaksinimit është shumë e ulët./abcnews.al