Sulmi i grupeve të armatosura serbe në veriun e Kosovës, nuk ishte spontan por i mirëorganizuar.
Kështu mendon Charles Kupchan, profesor në Universitetin Georgetown dhe ish-drejtor i çështjeve evropiane në Këshillin e Sigurisë Kombëtare të Shteteve të Bashkuara.
Sipas Kupchan, shpërthimi i ri i dhunës nuk është i papritur.
Ai tha se si Vuçiç, ashtu edhe Kurti mbajnë përgjegjësi për përshkallëzimin e dhunës; I pari duke mbajtur veriun të lidhur me Beogradin, dhe i dyti përmes veprimeve provokuese.
“Duhet të trajtohet si një akt më vete i papranueshëm dhune, në të cilin të paktën 30 sulmues të armatosur jo vetëm që vranë një polic të Kosovës, por sulmuan një manastir serb. Dhe mendoj se ka rëndësi reagimi i kishës ortodokse serbe. Është e qartë se njerëzit në manastir ishin të pakënaqur që ata hynë në manastirin e tyre.”
Ish-analisti i CIA-s shton më tej se është e rëndësishme për perëndimin që të jetë i bashkuar në trajtimin e dhunës së fundit veçmas nga procesi diplomatik.
/a.r
