Adrian Neritani bën pjesë në grupin e hetimit për përdorimin e armëve kimike nga Presidenti i Sirisë Bashar Al Assad. Ai ka përfaqësuar Shqipërinë pranë Organizatës së Kombeve të Bashkuara nga viti 2006 deri në vitin 2009, tani do të jetë pjesë e grupit të ekspertëve që do të hetojë nëse në Siri janë përdorur armë kimike kundër civilëve. Ai ka shpjeguar dhe si funksionon institucioni ku ai bën pjesë: “Grupi i ekspertëve quhet Mekanizmi i Përbashkët i Hetimit (Joint Investigative Mechanism), mandatuar nga Këshilli i Sigurimit i OKB-së me Rezolutën 2235 (2015). Është hera e parë që krijohet një mekanizëm i tillë në kuadrin e armëve kimike, detyra e të cilit është identifikimi i individëve, grupeve, entiteteve ose qeverive që janë përgjegjëse në përdorimin e armëve kimike në Siri. Nuk është detyrë e këtij Mekanizmi të hetojë nëse janë përdorur armë kimike në Siri, pasi kjo detyrë ka kohë që realizohet nga Fact Finding Missions. Për kriteret e sakta e procedurat e detajuara në të cilat kalon një vendim marrje e tillë nuk jam në dijeni, por duhet të paktën një kombinim midis propozimit nga Sekretari i Përgjithshëm i OKB-së dhe një lloj miratimi nga Anëtarët e Përhershëm të Këshillit të Sigurimit”.
Eksperi i OKB-së Adrian Neritani: FFM konkludoi se armët kimike janë përdorur në Siri
