Presidenti i Republikës Bujar Nishani ishte sot në zonën e Shishtavecit në Kukës, një zonë e prekur nga largimet e shumta të banorëve në drejtim të vendeve të BE-së për të kërkuar azil.
Duke folur përpara banorëve, Presidenti Nishani u bëri thirrje shqiptarëve të mos braktisin vendin e tyre. Por nga ana tjetër Nishani u bëri thirrje edhe institucioneve qeverisëse në veçanti minisrtive të bujqësisë, arsimit, ekonomisë, çështjeve sociale dhe asaj të brendshme për tu angazhuar në gjetjen e zgjidhjeve te përbashkëta për t’u ofruar kushte normale jetese shqiptarëve për të ndërtuar të ardhmen në këtë vend.
Ndonëse shprehu shqetësimin, si kryetar i shtetit, Nishani deklaroi se nuk është sot në Shishtavec për gjetjen e fajtorëve, por për të ngritur zërin përsa i përket situatës aktuale dhe se Ministritë duhet të dalin nga zyra dhe të takohen me qytetarët. Ai ka shtuar se institucionet shtetërore duhet të hartojnë projekte zhvillimi sepse qytetarët duan garanci.
Nga Qarku i Kukësit, kanë emigruar mijëra banorë, të cilët janë larguar nga vendi i tyre për një jetë më të mirë.
Redaksia Online
(Javanews.al)
