Ndonëse kanë kaluar dy vjet nga dita e publikimit, kënga “Të ka lali shpirt” e kënduar nga Silva Gunbardhit ft. Mandi & ft. Dafi vijon të thyejë rekorde, sa i përket numërit të klikimeve. Kjo këngë ka arritur numërin e jashtëzakonshëm prej 137 milion klikimesh në youtube, duke vendosur një rekord sa i përket numërit të klikimeve për një këngë shqiptare.
Numri i lartë i klikimeve ka si shtrirje gjeografike jo vetëm nga Shqipëria, Kosova dhe Maqedonia, por edhe nga Gjermania, Zvicra, SHBA, Australi, Itali, Austri, Greqi e deri nga Kanadaja. Në një prononcim ekskluziv për Javanews Silva Gunbardhi shprehet se ky vlerësim i publikut për të cilin ajo këndon “është fantastik”. “Për mua rëndësi ka vlerësimi i publikut sepse për atë këndoj! 137 milion klikime …fantastike”, shprehet Gunbardhi për Javanews.
Kënga “Të ka lali shpirt” vijon të jetë, sipas edhe statistikave, një këngë mjaft e dëgjuar. Për këtë këngë nuk ka munguar deri edhe version arab i kënduar nga Amal Hijazi. Madje një prej konkurrenteve të “Arabs Got Talent”, ka zgjedhur të prezantohet në natën finale pikërisht me tingujt e kësaj kënge. Mësohet se këngëtarja vlonjate ishte menduar disa herë përpara se të gjente momentin e duhur për ta publikuar. Ajo nuk e kishte menduar në momentin që publikoi këngën se do të arrinte këtë nivel të lartë shikueshmërie që i ka ndryshuar jetën.
