Burime zyrtare konfirmojnë për JavaNews.al se një vizitë e rëndësishme shtetërore pritet të zhvillohet në Tiranë në fillim të muajit mars.

Mësohet se kryeqyteti do të vizitohet nga presidenti francez, François Hollande i cili pritet të takohet me autoritetet më të larta të vendit.

JavaNews.al mëson se Hollande do të mbërrijë më datën 3 mars, datë kjo për të cilën është rënë dakord nga të dyja palët. Sipas burimeve ekskluzive bëhet e ditur se data në fjalë është negociuar prej muajsh.

Kjo është vizita e parë e një presidenti francez në vendin tonë.

Dy vite më parë Shqipëria u përfaqësua dënjësisht në homazhet për sulmet terroriste në Paris duke lënë përshtypje jo vetëm tek autoritetet vendase, por edhe mediat ndërkombëtare.

Vetë presidenti francez ka deklaruar prej kohësh mbështetjen e tij të plotë për integrimin e Shqipërisë në BE dhe reformën në Drejtësi. / JavaNews.al