Një ngjarje e pazakontë i ka ndodhur këngëtarit Shpat Kasapi. Ndërsa ka qenë duke udhëtuar me automjet në orët e vona të së dielës, Shpati dhe menaxheri i tij janë ndaluar nga forcat e policisë rrugor, të cilat kanë bërë gati gjobën.
Këta të fundit nuk e dinin se kush udhëtonte në makinë dhe në timon ishte menaxheri i këngëtarit. Por, kur kanë parë Shpatin, policët e kanë ‘harruar’ gjobën dhe i kanë kërkuar autografe dhe foto Shpatit.
Java News sjell ekskluzivisht fotografitë e mbrëmshme, ndërsa policët dhe këngëtari duken tepër të qeshur. Ngjarja ka ndodhur në rrugën nacionale Lezhë-Shkodër.
